Svartlisti Magma málsins

Stjórnmál, Umhverfismál, heimspeki, hugleiðingar og tengd málefni (Politics, environment, serious stuff..)
User avatar
siggi punk
5. stigs nörd
Posts: 5626
Joined: Wed Jul 24, 2002 5:32 pm
Location: Vesturbærinn

Svartlisti Magma málsins

Postby siggi punk » Tue Jan 11, 2011 11:41 am

Hér er stutt, skemmtileg og creepy yfirferð yfir hverjir komu auðlindayfirtöku Magma í kring.

http://bloggheimar.is/ak72/
Ný andspyrnuútgáfa: "Á Kaffihúsinu - Samræður um Anarkisma" klassískt anarkistarit eftir Errico Malatesta. Fæst í Ranimosk á laugavegi.
Einnig: "Um Anarkisma" eftir Nicholas Walter, ný prentun og barnabókin "Hulduheimur Heiðarlands" um börn sem læra skemmdarverkastarfsemi til náttúruverndar.

http://www.andspyrna.org - http://www.savingiceland.org - http://www.indymedia.org - http://www.infoshop.org - http://www.akpress.org - http://www.crimethinc.org - http://www.freedompress.org.uk - http://www.microcosmpublishing.com - http://www.activedistribution.org - http://www.littleblackcart.com - http://www.protest.net
http://www.anarchistvoices.wetpaint.com - http://www.hustaka.org - http://www.svartsokka.org - http://www.oskra.org - http://www.eggin.is

User avatar
Stjáni klikk
4. stigs nörd
Posts: 4213
Joined: Fri Feb 22, 2008 11:50 pm
Location: Rvk.

Re: Svartlisti Magma málsins

Postby Stjáni klikk » Tue Jan 11, 2011 6:20 pm

Viðbjóður.

Ég las að vísu fyrst VR-greinina, ekki minna rugl þar á ferðinni...
105 youth crew

User avatar
Niðursetningur
Töflunotandi
Posts: 516
Joined: Sat Jul 25, 2009 7:10 pm
Location: tussa

Re: Svartlisti Magma málsins

Postby Niðursetningur » Wed Jan 12, 2011 6:11 pm

Mig langar að færa fjölmörgum þakkir vegna Magma-málsins.

Fyrst langar mig að þakka Sjálfstæðisflokknum í heild sinni fyrir að hafa þegið 30 millur frá FL Group til að koma einkavæðingarferlinu á HS af stað. Án ykkar og kjósenda ykkar þá hefðum við aldrei misst HS og auðlindir þessa fyrirtækis úr eigu almennings sem byggði fyrirtækið upp með skattfé sínu og fórnum.

Þakka þér svo fyrir, Guðlaugur Þór Þórðarson fyrir að þiggja fé frá Atorku og FL Group sem stofnuðu Geysi Green Energy sem þú lagðir blessun þína yfir þegar Ásgeir Margeirsson sem þá var aðstoðarforstjóri OR, svo forstjóri GGE og nú forstjóri Magma, kynnti þér planið.

Þakka þér svo fyrir, Illugi Gunnarsson sem sast í einkavæðingarnefnd þegar hlutur ríkisins í HS var seldur og þáðir fé frá Atorku og FL Group, stofnendum GGE, sem fengu þig svo til að vera stjórnarmann í Glitnir Sjóðum. Án þín og félaga í einkavinavæðingarnefnd hefði þetta aldrei orðið að veruleika.

Þakka þér fyrir, Árni Sigfússon, sem settist inn í reykfyllt bakherbergi eftir að hafa skipt upp HS í HS Orku og HS Veitur, og samdir við vini þína í Geysi Green Energy um söluna á HS Orku til GGE.

Þakka ykkur svo fyrir, bæjarfulltrúar Sjálfstæðisflokksins í Reykjanesbæ sem lögðu blessun ykkar yfir hundlélegan samning sem þið vissuð að bærinn myndi tapa á til framtíðar.

Þakka ykkur fyrir, starfsfólk Capacent Glacier og Glacier Partners sem lögðu á ráðin og notfærðu sér pólitísku spillinguna hér til að koma HS Orku í eigu Magma. Án græðgi ykkar og andúðar ykkar á almannahag hefði þetta aldrei verið hægt.

Þakka ykkur svo fyrir, Hanna Birna, Óskar Bergs, Gísli Marteinn, Jórunn Frímanns, Kjartan Magnússon og annað aumt lið sem seldi hlut OR í HS Orku. Án ykkar þá hefði Magma aldrei náð hlut Reykvíkinga og tapið aldrei lent á OR með þeim afleiðingum að fjölda fólks missti vinnuna á síðasta ári.

Þakka ykkur svo fyrir, starfsfólk Íslandsbanka og þó sérstaklega auðlindadeild Árna Magnússonar fyrrum félagsmálaráðherra Framsóknar, sem gerði hvað sem er til að tryggja að Magma eignaðist eitt HS Orku s.s. að svara ekki tilboðum annarra og leka upplýsingum til Magma. Án siðblindu ykkar og útrásarvíkingslega viðskiptaeðlis ykkar þá hefði Magma aldrei eignast HS Orku.

Þakka þér svo fyrir, Katrín Júlíusdóttir iðnaðarráðherra, sem gerði ekki neitt til að koma í veg fyrir söluna og sá til þess með aðgerðarleysi sínu og áhugaleysi á almannahagsmunum, að HS Orka lenti í höndunum á Magma.

Þakka þér svo fyrir, Félagi Össur Skarphéðinsson fyrrum iðnaðarráðherra og mörður mikli, fyrir að hafa beitt áhrifum þínum og lagt þitt á plóginn ásamt köppum þínum til þess að Magma eignaðist HS Orku. Án allra heitu sturtnanna með Félaga Ásgeir Margeirssyni þá hefði þetta aldrei orðið að veruleika.

Þakka þér svo fyrir, Unnur G. Kristjánsdóttir, nefndarmaður Samfylkingarinnar í nefnd um einkavæðingarnefnd fyrir allt þitt skörulega framlag í þágu Magma. Án ötulla starfa þinna í þágu Magma innan nefndarinnar þá hefði aldrei verið hægt að réttlæta söluna né tekist að koma í veg fyrir almennilega rannsókn á einkavæðingu HS frá upphafi til Samfylkingar.

Þakka þér svo fyrir, Jóhanna Sigurðardóttir forsætisráðherra og Hrannar B. Árnason aðstoðarmaður auk annarra kappa Magma í Samfylkingunni, fyrir að hafa séð til þess að Magma-nefndin fékk ekki það rannsóknarumboð sem til þurfti að rannsaka einkavæðingu HS, þátt Íslandsbanka/Glitnis, GGE, REI og Magma frá upphafi.

Þakka þér svo fyrir, Samfylking, fyrir að hafa gert hvað sem er til að sjá til þess að Magma eignaðist HS Orku, með m.a. því að tefla fram ykkar spunameisturunum og stjórnmálamönnum ykkar fram í þágu fyrirtækisins og tryggt svo með aðgerðarleysi og þögn ykkar að Magma eignaðist HS Orku.

Þakka þér svo fyrir, Vinstri Grænir og fyrirgef mér fyrir truflunina við hópslagsmálin, fyrir allt innantóma talið og hjalið í Magma-málinu sem ekki hefur skilað neinu. Án ykkar hefði aldrei verið hægt að slá ryki í augu fólks og koma þeirri falsvon á um að ríkistjórnin og VG myndu beita sér fyrir því að ná HS Orku aftur í eigu almenningsins sem byggði það fyrirtæki upp.

Þakka ykkur svo fyrir, íslenskir fjölmiðlar og fjölmiðlamenn, sem flestallir viðhéldu sínum gæðastaðli um að vera lélegustu kranablaðamenn í heimi og algjörlega slepptu því að fara rétt með niðurstöður Magma-nefndarinnar, hvað þá að fjalla um allt hið rotna sem liggur á bak við alla þessa ógeðfelldu Magma-sögu stjórnmálanna og viðskiptalífsins.

Þakka ykkur svo fyrir, Magma, fyrir að hafa sýnt okkur að Alþingi, ríkistjórn, stjórnmálamenn og stjórnmálaflokkar eru enn alveg eins, sama hvaða nafni þeir heita, skítsama um almannahagsmuni en meir fyrir sérhagsmuni.

Þakka ykkur svo öll fyrir það maður nái loks að skilja loks almennilega hversvegna þið flestöll búið við vantraust og fyrirlitningu af þjóðinni sem flestum ykkar virðist sama um. Þakka ykkur einnig fyrir að maður nái loks að skilja að ekkert ykkar tekur mark á skýrslum umbótanefnda, endurreisnarnefnda eða rannsóknanefnda Alþingis. Þakka ykkur svo innilega fyrir að slá á þá daufu von um að að þið ætlið að læra af Hruninu.

Vonandi þakka sem flestir ykkur fyrir með þeirri verðskulduðu fyrirlitningu og reiði sem þið eigið skilið fyrir framgöngu ykkar í þessum málum. Ef þið viljið ekki slíkar þakkir þá bendi ég á gott ráð til að afþakka það:

Náið HS Orku til baka í almannaeign, komið í veg fyrir orkufyrirtæki og annað sem varðar almannahag lendi í höndum kókaínknúðra spilafíkla hins frjálsa markaðar og tryggið það að þjóðarhagur en ekki góðvinahagur ráði för í auðlinda- og orkumálum til frambúðar.

Ef ekki hafið þá eilífa skömm fyrir, öll sömul.
:klappa


Return to “Alvarlega hornið”

Who is online

Users browsing this forum: No registered users and 6 guests

cron